1Ch 25 | KSD | STEP | Ma David ma ra umana luluai na vinarubu dia ga tibe vaire ta umana natu i Asap, ma ta umana natu i Eman, ma ta umana natu i Iedutun, upi diat a tata na propet ma ra umana ngap, ma ra umana pagol, ma ra umana tobo; go ra iang i diat dia ga pait ra papalum da kadia lavur varvakai:

1 Chronicles 25

A tiniba kadiat nina dia lue ra kakailai

1 Ma David ma ra umana luluai na vinarubu dia ga tibe vaire ta umana natu i Asap, ma ta umana natu i Eman, ma ta umana natu i Iedutun, upi diat a tata na propet ma ra umana ngap, ma ra umana pagol, ma ra umana tobo; go ra iang i diat dia ga pait ra papalum da kadia lavur varvakai:

2 Ta ra apik na tarai Asap, Sakur, Iosep, Netania, ma Asarela, a umana natu i Asap; Asap i ga lue diat, ma i ga tata na propet da ra king i ga kure.

3 Tai Iedutun, laptikai na natu i Iedutun, Gedalia, Seri, Iesaia, Simei, Kasabia, ma Matitia; ma tama i diat Iedutun i ga lue diat ma ra pagol ma i ga tata na propet ma ra pite varpa tadav ra Luluai.

4 Tai Eman, a umana natu i Eman, Bukia, Matania, Usiel, Sebuel, Ierimot, Kanania, Kanani, Eliata, Gidalti, Romamti-Eser, Iosbekasa, Maloti, Otir, ma Makasiot; 5 go diat a umana natu i Eman ra tena ginigira kai ra king ta ra umana tinata kai God, upi da vangala. Ma God i ga tabar Eman ma a vinun ma a ivat na bul tutana ma a utul a bul vavina. 6 Tama i diat i ga lue go diat par ta ra kakailai ta ra kuba i ra Luluai ma ra umana tobo, ma ra umana pagol, ma ra umana ngap, ure ra lotu ta ra kuba i God,

Asap, Iedutun, ma Eman, dital ga ki ta ra vavai ra varkurai kai ra king. 7 A niluluk i diat par, ba di ga luk varurungane diat ma ra umana tura i diat nina dia ga melem ta ra kakailai tadav ra Luluai, i ga a ura mar ma lavutul na vinun ma lavutul. 8 Ma di ga padapadailam ure kadia tiniba tikatikai; diat par dia ga varvarogop ta ra padapadailam, a umana ngala ma ra umana ikilik, ra tena vartovo ma ra bul vartovo. 9 Di ga padapadailam value pa Iosep ta ra apik na tarai Asap; a vauruana Gedalia, diat ma ra umana turana ma ra umana natuna, a vinun ma a urua; 10 a vautuluna Sakur, diat ma ra umana natuna ma ra umana turana, a vinun ma a urua; 11 a vaivatina Isri, diat ma ra umana natuna ma ra umana turana, a vinun ma a urua; 12 a vailimana Netania, diat ma ra umana natuna ma ra umana turana, a vinun ma a urua; 13 a valaptikaina Bukia, diat ma ra umana natuna ma ra umana turana, a vinun ma a urua; 14 a valavuruana Iesarela, diat ma ra umana natuna ma ra umana turana, a vinun ma a urua; 15 a valavutuluna Iesaia, diat ma ra umana natuna ma ra umana turana, a vinun ma a urua; 16 a valavuvatina Matania, diat ma ra umana natuna ma ra umana turana, a vinun ma a urua; 17 a vavinununa Simei, diat ma ra umana natuna ma ra umana turana, a vinun ma a urua; 18 a vavinununa ma tikai Asarel, diat ma ra umana natuna ma ra umana turana, a vinun ma a urua; 19 a vavinununa ma a urua Kasabia, diat ma ra umana natuna ma ra umana turana, a vinun ma a urua; 20 a vavinununa ma a utul Subael, diat ma ra umana natuna ma ra umana turana, a vinun ma a urua; 21 a vavinununa ma a ivat Matitia, diat ma ra umana natuna ma ra umana turana, a vinun ma a urua; 22 a vavinununa ma a ilima Ieremot, diat ma ra umana natuna ma ra umana turana, a vinun ma a urua; 23 a vavinununa ma laptikai Kanania, diat ma ra umana natuna ma ra umana turana, a vinun ma a urua; 24 a vavinununa ma lavurua Iosbekasa, diat ma ra umana natuna ma ra umana turana, a vinun ma a urua; 25 a vavinununa ma lavutul Kanani, diat ma ra umana natuna ma ra umana turana, a vinun ma a urua; 26 a vavinununa ma lavuvat Maloti, diat ma ra umana natuna ma ra umana turana, a vinun ma a urua; 27 a vaura vinununa Eliata, diat ma ra umana natuna ma ra umana turana, a vinun ma a urua; 28 a ura vavinununa ma tikai Otir, diat ma ra umana natuna ma ra umana turana, a vinun ma a urua; 29 a ura vavinununa ma a urua Gidalti, diat ma ra umana natuna ma ra umana turana, a vinun ma a urua; 30 a ura vavinununa ma a utul Makasiot, diat ma ra umana natuna ma ra umana turana, a vinun ma a urua; 31 a ura vavinununa ma a ivat Romamti-Eser, diat ma ra umana natuna ma ra umana turana, a vinun ma a urua.